ಕಾಳಘಟ್ಟಮ್ಮ ದೇಗಲದಲ್ಲಿ ಕಳ್ಳತನ

ತುರುವೇಕೆರೆ: ತಾಲ್ಲೂಕಿನ ದಂಡಿನಶಿವರ ಹೋಬಳಿ ತೋವಿನಕೆರೆ ಗ್ರಾಮದ ಕಾಳಘಟ್ಟಮ್ಮ ದೇವಾಲಯದ ಬೀಗ ಮುರಿದು ಕಳ್ಳರು ಕಳ್ಳತನ ಎಸಗಿದ್ದಾರೆ.
ದೇವಿ ಮೇಲಿದ್ದ ಚಿನ್ನದ ತಾಳಿ, ಚಿನ್ನದ ಗುಂಡು, ಬೆಳ್ಳಿ ಸರ ಸೇರಿದಂತೆ ಬೆಳ್ಳಿ ಆಭರಣಗಳು ಕಳ್ಳತನವಾಗಿದೆ ಎಂದು ಗ್ರಾಮಸ್ಥರು ತಿಳಿಸಿದ್ದಾರೆ. ದಂಡಿನಶಿವರ ಪೋಲೀಸರು ಘಟನಾ ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲಿಸಿ ಪ್ರಕರಣ ದಾಖಲಿಕೊಂಡು ಹೆಚ್ಚಿನ ತನಿಖೆ ಮುಂದುವರೆಸಿದ್ದಾರೆ.