ಅಪರಿಚಿತ ಮಹಿಳೆಯ ಶವ ಪತ್ತೆ

ಕೊರಟಗೆರೆ: ಚಿಕ್ಕಪಾಲನಹಳ್ಳಿ ಸಮೀಪದ ದೊಡ್ಡಮೋರಿಯಲ್ಲಿ ಅಪರಿಚಿತ ಮಹಿಳೆಯ ಶವ ಪತ್ತೆಯಾಗಿರುವ ಘಟನೆ ಕೋಳಾಲ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ನಡೆದಿದೆ.

ಕೊರಟಗೆರೆ ತಾಲೂಕಿನ ಕೋಳಾಲ ಹೋಬಳಿಯ ನೀಲಗೊಂಡನಹಳ್ಳಿ ಗ್ರಾಪಂ ವ್ಯಾಪ್ತಿಯ ಚಿಕ್ಕಪಾಲನಹಳ್ಳಿ ಸಮೀಪ ಇರುವ ದೊಡ್ಡಮೋರಿಯಲ್ಲಿ ಸುಮಾರು 55 ವರ್ಷದ ಮಹಿಳೆಯ ಶವ ಪತ್ತೆಯಾಗಿದೆ. ಮಹಿಳೆ 5 ಅಡಿ ಎತ್ತರ, ಎರಡು ಕೈಯಲ್ಲಿ ರಂಗೋಲಿ ತರಹದ ಕಪ್ಪುಹಚ್ಚೆಗಳು ಹಾಕಿಸಿಕೊಂಡಿದ್ದು ಈ ಮಹಿಳೆ ಯಾರಿಗಾದರು ಗುರುತು ಸಿಕ್ಕಿದ್ದಲ್ಲಿ ತಕ್ಷಣ ಕೋಳಾಲ ಪೊಲೀಸ್ ಠಾಣೆ 9480802987 ನಂಬರ್ ಗೆ ತಿಳಿಸತಕ್ಕದ್ದು ಎಂದು ಕೋಳಾಲ ಪಿಎಸ್ಐ ರೇಣುಕಾ ಯಾದವ್ ತಿಳಿಸಿದ್ದಾರೆ.
ಈ ಸಂಬಂಧ ಕೋಳಾಲ ಪೊಲೀಸ್ ಠಾಣೆಯಲ್ಲಿ ಪ್ರಕರಣದಾಖಲಾಗಿದೆ. ಸ್ಥಳಕ್ಕೆ ಸಿಪಿಐ ಸುರೇಶ್ ಭೇಟಿ ನೀಡಿ ತನಿಖೆ ಕೈಗೊಂಡಿದ್ದಾರೆ.