ಗಾಂಜಾ ವಶ- ಆರೋಪಿ ಬಂಧನ

ಕುಣಿಗಲ್: ತಾಲೂಕಿನ ಸೀಗೆಪಾಳ್ಯದ ಮನೆಯೊಂದರ ಮೇಲೆ ಖಚಿತ ಮಾಹಿತಿ ಮೇರೆಗೆ ದಾಳಿ ನಡೆಸಿದ ಪೊಲೀಸರು ಎರಡು ಕೆಜಿ ಗಾಂಜಾ ವಶ ಪಡಿಸಿಕೊಂಡು ವ್ಯಕ್ತಿಯೊಬ್ಬನನ್ನು ಬಂಧಿಸಿದ್ದಾರೆ.
ಗಾಂಜಾ ಮಾರಾಟದ ಮಾಹಿತಿ ಪಡೆದ ಸಿಪಿಐ ನವೀನ್ ಗೌಡ, ಸಿಬ್ಬಂದಿ ಷಡಕ್ಷರಿ, ಯೋಗಿಶ್, ನಟರಾಜ್, ಮಲ್ಲಿಕಾರ್ಜುನ ಅವರೊಂದಿಗೆ ಹಿರಿಯಾಧಿಕಾರಿಗಳ ಮಾರ್ಗದರ್ಶನದಲ್ಲಿ ಸೀಗೆಪಾಳ್ಯ ಗ್ರಾಮದ ಸಂತೋಶ್ ಎಂಬಾತನ ಮನೆ ಮೇಲೆ ದಾಳಿ ನಡೆಸಿ ಸ್ಥಳದಲ್ಲಿದ್ದ 2135 ಗ್ರಾಂ ಗಾಂಜಾ, ಆರೋಪಿಯನ್ನು ವಶಕ್ಕೆ ಪಡೆದು ಕ್ರಮ ಕೈಗೊಂಡಿದ್ದಾರೆ. ದಾಳಿ ವೇಳೆ ತಹಶೀಲ್ದಾರ್ ವಿಶ್ವನಾಥ್ ಹಾಜರಿದ್ದರು.