ಕೆರೆ ಮುಂಭಾಗ ಹುಲಿ ಪ್ರತ್ಯಕ್ಷ

ಮಧುಗಿರಿ: ತಾಲೂಕಿನ ಡಿವಿ ಹಳ್ಳಿ ಗ್ರಾಮ ಪಂಚಾಯಿತಿ ವ್ಯಾಪ್ತಿಗೆ ಸೇರಿದ ಕಂಬದಹಳ್ಳಿ ಗ್ರಾಮದ ಕೆರೆಯ ಮುಂಭಾಗದಲ್ಲಿ ಶುಕ್ರವಾರ ರಾತ್ರಿ 7ರ ಸಮಯದಲ್ಲಿ ಹುಲಿ ಒಂದು ಪ್ರತ್ಯಕ್ಷವಾಗಿದೆ.

ಈ ವೇಳೆ ಮರಿತಿಮ್ಮನ ಹಳ್ಳಿ ಗ್ರಾಮದ ಟ್ರ್ಯಾಕ್ಟರ್ ಚಾಲಕ ತಮ್ಮ ಜಮೀನಿಗೆ ಮಣ್ಣು ತುಂಬುತ್ತಿದ್ದ ವೇಳೆ ಹುಲಿ ಹಾದುಹೋಗಿದೆ, ಆ ಸಂದರ್ಭದಲ್ಲಿ ಮೊಬೈಲ್ನಲ್ಲಿ ಟ್ರ್ಯಾಕ್ಟರ್ ಬೆಳಕಿನ ಸಹಾಯದೊಂದಿಗೆ ಫೋಟೋ ಕ್ಲಿಕ್ಕಿಸಿದ್ದಾರೆ.

ರೈತರ ಆತಂಕ: ಹುಲಿ ಕಂಡ ವಿಷಯ ಅಕ್ಕ ಪಕ್ಕದ ಗ್ರಾಮದಲ್ಲಿ ಹಬ್ಬಿ ರೈತರು ಜಮೀನುಗಳತ್ತ ಹೋಗಲು ಹಿಂಜರಿಯುತ್ತಿದ್ದಾರೆ, ಈಗಾಗಲೇ ಈ ಹುಲಿ ಎರಡು ಕುರಿ ಮತ್ತು ಎರಡು ಮೇಕೆಗಳನ್ನು ತಿಂದು ಹಾಕಿದ್ದು ದನ ಕರುಗಳನ್ನು ಮನೆಯ ಹೊರಗಡೆ ಕಟ್ಟಲು ರೈತರು ಹಿಂಜರಿಯುತ್ತಿದ್ದಾರೆ, ಅರಣ್ಯ ಇಲಾಖೆಯ ಕೂಡಲೇ ಹುಲಿ ಹಿಡಿಯುವಂತೆ ಆಗ್ರಹಿಸಿದ್ದಾರೆ.