ದ್ವಿಚಕ್ರ ವಾಹನ ಡಿಕ್ಕಿ- ವೃದ್ಧೆ ಸಾವು

ತುರುವೇಕೆರೆ: ತಾಲೂಕಿನ ವಿಶ್ವನಾಥಪುರ ಮಾಳೆ ಬಳಿ ದ್ವಿಚಕ್ರ ವಾಹನವೊಂದು ಪಾದಚಾರಿ ವೃದ್ಧೆಗೆ ಡಿಕ್ಕಿ ಹೊಡೆದ ಪರಿಣಾಮ ತೀವ್ರತರ ಗಾಯಗೊಂಡು ಆಸ್ಪತ್ರೆ ಸೇರಿದ್ದ ವೃದ್ಧೆ ಚಿಕಿತ್ಸೆ ಫಲಕಾರಿಯಾಗದೆ ಮೃತಪಟ್ಟಿದ್ದಾರೆ.

ತಾಲೂಕಿನ ವಿಶ್ವನಾಥಪುರ ಮಾಳೆಯ ಕಾವೇರಮ್ಮ (83) ಅಪಘಾತಕ್ಕೀಡಾಗಿ ಮೃತ ದುರ್ದೈವಿಯಾಗಿದ್ದಾರೆ, ವಿಶ್ವನಾಥಪುರ ಮಾಳೆ ಬಳಿ ರಸ್ತೆಯಲ್ಲಿ ಬದಿಯಲ್ಲಿ ನಿಂತಿದ್ದ ಕಾವೇರಮ್ಮನಿಗೆ ದ್ವಿಚಕ್ರ ವಾಹನ ಗುದ್ದಿದ ಪರಿಣಾಮ ಈ ದುರ್ಘಟನೆ ಸಂಭವಿಸಿದೆ, ತೀವ್ರ ಗಾಯಗೊಂಡ ಕಾವೇರಮ್ಮನನ್ನು ಚಿಕಿತ್ಸೆಗೆ ಆದಿಚುಂಚನಗಿರಿ ಆಸ್ಪತ್ರೆಗೆ ದಾಖಲಿಸಿತ್ತಾದರೂ ಚಿಕಿತ್ಸೆ ಫಲಕಾರಿಯಾಗದೆ ಮೃತಪಟ್ಟರೆಂದು ಸಂಬಂಧಿಗಳು ತಿಳಿಸಿದ್ದಾರೆ.
ಮೃತರ ಪುತ್ರ ಮಂಜುನಾಥ್ ನೀಡಿದ ದೂರಿನ ಮೇರೆಗೆ ಪ್ರಕರಣ ದಾಖಲಿಸಿರುವ ತುರುವೇಕೆರೆ ಪೊಲೀಸರು ಅಗತ್ಯ ಕ್ರಮಕ್ಕೆ ಮುಂದಾಗಿದ್ದಾರೆ.