ಭವಾನಿ ಜುವೆಲರ್ಸ್ನಲ್ಲಿ ಬೆಳ್ಳಿ ಕಳ್ಳತನ

ಗುಬ್ಬಿ: ತಾಲ್ಲೂಕಿನ ಕಡಬ ಹೋಬಳಿಯ ಕೆಜಿ ಟೆಂಪಲ್ ಸಿರಿವರ ರಸ್ತೆಯಲ್ಲಿರುವ ಭವಾನಿ ಜ್ಯುವೆಲ್ಲರ್ಸ್ ಅಂಡ್ ಬ್ಯಾಂಕರ್ಸ್ ನಲ್ಲಿ ಬೆಳ್ಳಿ ದೋಚಿ ಪರಾರಿಯಾಗಿರುವ ಘಟನೆ ನಡೆದಿದೆ.
ಗುರುವಾರ ತಡರಾತ್ರಿ ಕೆ.ಜಿ.ಟೆಂಪಲ್, ಸಿರಿವರ ರಸ್ತೆಯ ಎಸ್ ಬಿ ಐ ಬ್ಯಾಂಕ್ ಪಕ್ಕದಲ್ಲಿರುವ ಭವಾನಿ ಜುವೆಲರ್ಸ್ ಅಂಡ್ ಬ್ಯಾಂಕರ್ಸ್ ನಲ್ಲಿ ಮಧ್ಯರಾತ್ರಿ ಅಂಗಡಿಗೆ ಕಳ್ಳರು ನುಗ್ಗಿ ಕಬ್ಬಿಣದ ಕೊಲಬ್ರೇಶನ್ ಗೇಟ್ ಮತ್ತು ರೋಲಿಂಗ್ ಶೆಟರ್ ನ್ನು ಗ್ಯಾಸ್ ಕಟರ್ ನಿಂದ ಚೌಕಾಕಾರವಾಗಿ ಕಟ್ ಮಾಡಿ ಒಳ ನುಗ್ಗಿ ಅಂದಾಜು 5 ಲಕ್ಷ ಮೌಲ್ಯದ ಬೆಳ್ಳಿ ಕಳ್ಳತನ ಮಾಡಿ ಪರಾರಿಯಾಗಿದ್ದಾರೆ.

ಅಂಗಡಿಯಲ್ಲಿದ್ದ ಬೆಳ್ಳಿಯ ಚೈನು, ಕೈಚೈನು, ಕಾಲುಂಗುರ, ತಟ್ಟೆಗಳು, ಚೊಂಬು, ದೀಪಾಲೆ ಕಂಬ, ಕುಂಕುಮ ಬಟ್ಟಲು, ಡಾಲರ್, ಕೈ ಕಡಗ, ಬಳೆಗಳು, ಗ್ಲಾಸುಗಳು ಮತ್ತು ದೇವರ ವಿಗ್ರಹ ಕಳ್ಳತನ ಮಾಡಿದ್ದಾರೆ, ಸುಮಾರು 5 ಲಕ್ಷ ಮೌಲ್ಯದ ಬೆಳ್ಳಿಯ ವಸ್ತು ಕಳ್ಳತನವಾಗಿದೆ, ಕಳ್ಳರ ಕೈಚಳಕ ಸಿಸಿ ಕ್ಯಾಮರಾದಲ್ಲಿ ಸೆರೆಯಾಗಿದೆ.
ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಅಶೋಕ್ ವೆಂಕಟ್, ಡಿವೈಎಸ್ಪಿ ಶೇಖರ್ ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲಿಸಿದ್ದಾರೆ. ಸಿ.ಎಸ್.ಪುರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.