Get real time updates directly on you device, subscribe now.
ವೈ.ಎನ್.ಹೊಸಕೋಟೆ: ಪೋತಗಾನಹಳ್ಳಿ ಗ್ರಾಮದ ಸರೋಜಮ್ಮ, ತಿಮ್ಮಕ್ಕ ಹನುಮಂತರಾಯ ಎಂಬುವವರು ತಮಗೆ ಸೇರಿದ ನೂರಾರು ಮೇಕೆ, ಕುರಿಗಳನ್ನು ಮೇಯಿಸುತ್ತಾ ತಮ್ಮ ಗ್ರಾಮದಿಂದ ಪಕ್ಕದಲ್ಲಿರುವ ಹೊಸದುರ್ಗ ಗ್ರಾಮದ ಬಳಿ ಬಂದಾಗ ಮಧ್ಯಾಹ್ನ 3 ರ ಸಮಯದಲ್ಲಿ ಮಂದೆಯಲ್ಲಿದ್ದ 15 ಕ್ಕೂ ಹೆಚ್ಚು ಮೇಕೆ ಸಾವನ್ನಪ್ಪಿರುವ ಘಟನೆ ನಡೆದಿದೆ.
ಕೂಡಲೇ ಎಚ್ಚೆತ್ತ ಮಾಲೀಕರು, ಉಳಿದ ಮೇಕೆಗಳನ್ನು ದೂರ ಹೊಡೆದಿದ್ದಾರೆ, ಇದರಿಂದ ಸುಮಾರು ಎರಡು ಲಕ್ಷಕ್ಕೂ ಹೆಚ್ಚು ನಷ್ಟ ಸಂಭವಿಸಿದೆ, ಸ್ಥಳಕ್ಕೆ ಪಶು ಸಂಗೋಪನಾ ಇಲಾಖೆಯ ಸಹಾಯಕ ನಿರ್ದೇಶಕ ಹೊರಕೇರಪ್ಪ ಭೇಟಿ ನೀಡಿದ್ದು, ವಿಷ ಆಹಾರ ಸೇವನೆಯಿಂದ ಮೇಕೆಗಳು ಮರಣ ಹೊಂದಿವೆ ಎಂದು ತಿಳಿಸಿದ್ದಾರೆ.
ಅನಿರೀಕ್ಷಿತ ನಷ್ಟದಿಂದ ಕಂಗಾಲಾಗಿರುವ ಕುರಿಗಾಹಿಗಳು ಸರ್ಕಾರದಿಂದ ಪರಿಹಾರ ಕೊಡಿಸಿ ಕೊಡುವಂತೆ ಪಶುಸಂಗೋಪನಾ ಇಲಾಖೆಯ ಅಧಿಕಾರಿಗೆ ಮನವಿ ಮಾಡಿದ್ದಾರೆ.
Comments are closed.