ಸಿಲಿಂಡರ್ ಸ್ಪೋಟ- 7 ಮಂದಿಗೆ ಗಾಯ

ಕುಣಿಗಲ್: ಅಡುಗೆ ಅನಿಲ ಚಿಕ್ಕ ಸಿಲಿಂಡರ್ ಸ್ಪೋಟ ವಾಗಿ ಏಳು ಮಂದಿ ಗಾಯಗೊಂಡಿರುವ ಘಟನೆ ಶುಕ್ರವಾರ ಸಂಜೆ ಕುಣಿಗಲ್ ಪಟ್ಟಣದ ಕೋಟೆ ಪ್ರದೇಶದಲ್ಲಿ ನಡೆದಿದೆ.
ಕುಣಿಗಲ್ ಪಟ್ಟಣದ 14ನೇ ವಾರ್ಡ್ನ ಸಿಂಗ್ ಬೀದಿಯಲ್ಲಿ ವಾಸವಿದ್ದ ನಟರಾಜು ಎಂಬುವರ ಮನೆಯಲ್ಲಿ ಅಡುಗೆ ತಯಾರಿಸುವಾಗ ಚಿಕ್ಕ ಸಿಲಿಂಡರ್ ಸ್ಪೋಟಗೊಂಡು ಬೆಂಕಿ ಕೆನಾಲಿಗೆ ಹರಡಿತು, ಮನೆಯಲ್ಲಿದ್ದ ಕುಶಾಲ್ (9) ತೀವ್ರವಾಗಿ ಗಾಯಗೊಂಡಿದ್ದು, ಸ್ಪೋಟದ ಶಬ್ದ, ಬೆಂಕಿ ನೋಡಿ ಸಹಾಯಕ್ಕೆ ಧಾವಿಸಿದ ನೆರೆ ಮನೆಯ ಶಿವು (35), ಹೇಮಲತ (14), ಅಮೀನಾ (28), ಮಂಜುಳಾ (32), ಶೃತಿ, ಶಮೀನ ಬಾನು (37) ಅವರಿಗೂ ಬೆಂಕಿ ಜ್ವಾಲೆ ತಗುಲಿ ತೀವ್ರವಾಗಿ ಗಾಯಗೊಂಡರು.
ಘಟನೆ ನಡೆಯುತ್ತಿದ್ದಂತೆ ಸುತ್ತಮುತ್ತಲ ನಾಗರಿಕರು ಗಾಯಾಳುಗಳನ್ನು ಪಟ್ಟಣದ ಸಾರ್ವಜನಿಕ ಆಸ್ಪತ್ರೆಗೆ ವಿವಿಧ ವಾಹನಗಳಲ್ಲಿ ಸಾಗಿಸಿ ಅಗ್ನಿಶಾಮಕ ವಾಹನಕ್ಕೆ ಕರೆ ಮಾಡಿ ಬೆಂಕಿ ನಿಯಂತ್ರಿಸಲು ಶ್ರಮಿಸಿದರು, ಸುಟ್ಟ ಗಾಯಗಳಿಂದ ನರಳುತ್ತಿರುವ ಗಾಯಾಳುಗಳ ಸ್ಥಿತಿ ಗಂಭೀರವಾಗಿದ್ದು ಕುಣಿಗಲ್ ಸಾರ್ವಜನಿಕ ಆಸ್ಪತ್ರೆಯ ವೈದ್ಯರು ಪ್ರಾಥಮಿಕ ಚಿಕಿತ್ಸೆ ನೀಡಿ ಹೆಚ್ಚಿನ ಚಿಕಿತ್ಸೆಗೆ ಬೇರೆ ಬೇರೆ ಆಸ್ಪತ್ರೆಗೆ ಕಳಿಸಿಕೊಟ್ಟರು.