ಹುತಾತ್ಮ ಯೋಧರಿಗೆ ಗೌರವ ನಮನ

ತುಮಕೂರು: ಕಾರ್ಗಿಲ್ ವಿಜಯೋತ್ಸವದ 25ನೇ ವರ್ಷಾಚರಣೆ ಅಂಗವಾಗಿ ಶುಕ್ರವಾರ ಭಗತ್ ಕ್ರಾಂತಿ ಸೇನೆಯಿಂದ ನಗರದ ಬಿ.ಜಿ.ಎಸ್.ವೃತ್ತದಲ್ಲಿ ಹುತಾತ್ಮ ಯೋಧರಿಗೆ ಭಾವಪೂಣ ಶ್ರದ್ಧಾಂಜಲಿ ಹಾಗೂ ನಿವೃತ್ತ ಯೋಧರಿಗೆ ಗೌರವಾರ್ಪಣೆ ಸಲ್ಲಿಸುವ ಕಾರ್ಯಕ್ರಮ ಹಮ್ಮಿಕೊಳ್ಳಲಾಗಿತ್ತು.
ಹಿರಿಯ ನಿವೃತ್ತ ಯೋಧರು ಕಾರ್ಯಕ್ರಮ ಉದ್ಘಾಟಿಸಿ, ಕಾರ್ಗಿಲ್ ಯುದ್ಧದಲ್ಲಿ ಹುತಾತ್ಮರಾದ ಯೋಧರ ಭಾವಚಿತ್ರಗಳಿಗೆ ಪುಷ್ಪನಮನ ಸಲ್ಲಿಸಿ, ಅವರ ಸೇವೆ ಸ್ಮರಿಸಿದರು.
ಜಿಲ್ಲಾ ಮಾಜಿ ಸೈನಿಕರ ಸಂಘದ ಗೌರವಾಧ್ಯಕ್ಷ ಪಾಂಡುರಂಗಯ್ಯ, ಅಧ್ಯಕ್ಷ ಲಿಂಗಣ್ಣ, ಕಾರ್ಯಾಧ್ಯಕ್ಷ ನಾಗರಾಜು, ಕಾರ್ಯದರ್ಶಿ ನವೀನ್, ನಿವೃತ್ತ ಯೋಧರಾದ ನಾಗೇಂದ್ರ, ಧನಂಜಯ, ಸೋಮಶೇಖರ್, ಸದಾಶಿವಯ್ಯ ಮೊದಲಾದವರು ಭಾಗವಹಿಸಿದ್ದರು.
ಈ ವೇಳೆ ನಿವೃತ್ತ ಯೋಧರ ಸೇವೆಯನ್ನು ಗೌರವಿಸಿ ಭಗತ್ ಕ್ರಾಂತಿ ಸೇನೆಯಿಂದ ಸನ್ಮಾನಿಸಲಾಯಿತು. ಭಗತ್ ಕ್ರಾಂತಿ ಸೇನೆಯ ನವಚೇತನ್, ಹೇಮಂತ್, ಶ್ರೀನಿವಾಸ್ ಗೌಡ, ಅಜಯ್, ರಘುರಾಮ್, ಪೃಥ್ವಿ, ನಂದನ್, ಪುರುಷೋತ್ತಮ್, ವಿನಯ್, ತೋಂಟದಾರ್ಯ, ಶಿವಪ್ರಸಾದ್, ನಗರ ಪಾಲಿಕೆ ಮಾಜಿ ಸದಸ್ಯ ಮಲ್ಲಿಕಾರ್ಜುನ್ ಮೊದಲಾದವರು ಭಾಗವಹಿಸಿದ್ದರು.