ಟ್ರಾಕ್ಟರ್ ಮಗುಚಿ ರೈತ ಸಾವು

ಕುಣಿಗಲ್: ತೆಂಗಿನ ತೋಟದಲ್ಲಿ ಟ್ರಾಕ್ಟರ್ ಮೂಲಕ ರೋಟರ್ ಚಲಾಯಿಸುತ್ತಿದ್ದ ರೈತ, ಟ್ರಾಕ್ಟರ್ ಆಯತಪ್ಪಿ ತೋಟದ ಮಧ್ಯದ ನಾಲೆಗೆ ಉರುಳಿ ಬಿದ್ದ ಪರಿಣಾಮ ರೈತ ಮೃತ ಪಟ್ಟಿರುವ ಘಟನೆ ಅಮೃತೂರು ಪೊಲೀಸ್ ಠಾಣೆ ವ್ಯಾಪ್ತಿಯ ಬಸವ ಮತ್ತಿಕೆರೆ ಗ್ರಾಮದಲ್ಲಿ ನಡೆದಿದೆ.
ಮೃತ ರೈತನನ್ನು ನರೇಶ (26) ಎಂದು ಗುರುತಿಸಲಾಗಿದ್ದು ಬುಧವಾರ ಮಧ್ಯಾಹ್ನ ರೋಟರ್ ಚಾಲನೆ ಮಾಡುತ್ತಿದ್ದು ಸಂಜೆಯಾದರೂ ಪತಿ ಮನೆಗೆ ಬಾರದ ಕಾರಣ ಪತ್ನಿ ತೋಟಕ್ಕೆ ಹೋಗಿ ನೋಡಿದಾಗ ಟ್ರಾಕ್ಟರ್ ನಾಲೆಗೆ ಬಿದ್ದು ಮೃತ ಪಟ್ಟಿರುವುದು ಬೆಳಕಿಗೆ ಬಂದಿದೆ, ತಾಲೂಕಿನಲ್ಲಿ ಟ್ರಾಕ್ಟರ್ ಅಸಮರ್ಪಕ ಚಾಲನೆಯಿಂದ ರೈತರು ಮೃತಪಡುವ ಪ್ರಕರಣ ಹೆಚ್ಚಾಗಿದ್ದು ಕಳೆದೆರಡು ದಿನದ ಹಿಂದೆ ಜಾಣಗೆರೆ ಗ್ರಾಮದ ರೈತರಿಬ್ಬರು ಮೃತಪಟ್ಟಿದ್ದರು.