ಟಾಟಾ ಕಂಪನಿಗೆ ವಿದ್ಯಾವಾಹಿನಿ ವಿದ್ಯಾರ್ಥಿಗಳ ಆಯ್ಕೆ

ತುಮಕೂರು: ನಗರದ ವಿದ್ಯಾವಾಹಿನಿ ಪ್ರಥಮ ದರ್ಜೆ ಕಾಲೇಜಿನಲ್ಲಿ ಪ್ರತಿಷ್ಠಿತ ಕಂಪನಿಯಾದ ಟಾಟಾ ಕನ್ಸಲ್ ಟೆನ್ಸಿ ಸರ್ವಿಸಸ್ (ಟಿಸಿಎಸ್) ಕಂಪನಿಗೆ 5ನೇ ಸೆಮಿಸ್ಟರ್ ನ ಬಿಕಾಂ ಪದವಿಯಲ್ಲಿನ 5 ವಿದ್ಯಾರ್ಥಿಗಳು ಆಯ್ಕೆಯಾಗಿದ್ದು, ಆಫರ್ ಲೆಟರ್ ಸ್ವೀಕರಿಸಿದ್ದಾರೆ.
ಟಿಸಿಎಸ್ ಕಂಪನಿಗೆ ಆಯ್ಕೆಯಾದ ವಿದ್ಯಾರ್ಥಿಗಳನ್ನು ಅಭಿನಂದಿಸಿದ ಸಂದರ್ಭದಲ್ಲಿ ವಿದ್ಯಾರ್ಥಿಗಳನ್ನು ಕುರಿತು ವಿದ್ಯಾವಾಹಿನಿ ಸಮೂಹ ಶಿಕ್ಷಣ ಸಂಸ್ಥೆಯ ಕಾರ್ಯದರ್ಶಿ ಎನ್.ಬಿ ಪ್ರದೀಪ್ ಕುಮಾರ್ ಮಾತನಾಡಿ, ಐಟಿ ಕಂಪನಿಯಲ್ಲಿ ಉದ್ಯೋಗ ಪಡೆಯುವುದು ಇಂದಿನ ದಿನದಲ್ಲಿ ಒಂದು ಮಹತ್ಸಾಧನೆಯಾಗಿದೆ.,ಅದರಲ್ಲೂ ಟಿಸಿಎಸ್ ಕಂಪನಿಯು ಉನ್ನತ ಸ್ಥಾನದಲ್ಲಿರುವ ಕಂಪನಿಯಾಗಿಯಾಗಿದ್ದು, ಇಂತಹ ಕಂಪನಿಗೆ ನೀವು ಆಯ್ಕೆಯಾಗಿರುವುದು ಹೆಮ್ಮೆಯ ವಿಷಯ, ನಿಮ್ಮ ಮುಂದಿನ ಔದ್ಯೋಗಿಕ ಬದುಕು ಯಶಸ್ಸು ತರಲಿ, ಸಿಕ್ಕಿರುವ ಅವಕಾಶಗಳನ್ನು ಸದುಪಯೋಗ ಪಡಿಸಿಕೊಂಡು ಎತ್ತರಕ್ಕೆ ಸಾಗುವಂತಾಗಲಿ ಎಂದು ಅಭಿನಂದಿಸಿ ಹರ್ಷ ವ್ಯಕ್ತಪಡಿಸಿದರು.

ಟಿಸಿಎಸ್ ಗೆ ಆಯ್ಕೆಯಾದ ವಿದ್ಯಾರ್ಥಿಗಳು ಅನುಷ.ಎಚ್.ಎಂ, ನಾಗರಕ್ಷ.ಎಂ.ಆರ್, ವಂದ್ಯ ಜೈನ್.ಟಿ.ಎಂ, ಬೃಂದಶ್ರೀ.ಎಂ.ಎನ್ ಮತ್ತು ಡಿ.ಎಸ್.ದೀಕ್ಷಿತ.
ಈ ಸಂದರ್ಭದಲ್ಲಿ ವಿದ್ಯಾ ವಾಹಿನಿ ಪ್ರಥಮ ದರ್ಜೆ ಕಾಲೇಜಿನ ಪ್ರಾಂಶುಪಾಲ ಸಿಎಸ್ ಪ್ರೇಮ್, ಉದ್ಯೋಗ ಮತ್ತು ಕೌಶಲ್ಯ ತರಬೇತಿದಾರರಾದ ಕೌಸರ್ ಜಿಯಾ ಹಾಜರಿದ್ದರು.