ನಾನು ಬದುಕಿದ್ದೀನಿ ಕಣ್ರೋ ಎಂದ್ರು ದೊಡ್ಡಣ್ಣ..

ತಿಪಟೂರು: ನಾನು ಸತ್ತಿಲ್ಲ ಕಣ್ರೋ.. ಬದುಕಿದ್ದೀನಿ! ಹೀಗೆ ಹೇಳಿದ್ದು ಖುದ್ದು ಹಿರಿಯ ಖ್ಯಾತ ಹಾಸ್ಯ ನಟ ದೊಡ್ಡಣ್ಣ ಅವರು.
ಯಾರೋ ಕಿಡಿಗೇಡಿಗಳು ದೊಡ್ಡಣ್ಣ ಸತ್ತಿದ್ದಾರೆ ಎಂದು ಸಾಮಾಜಿಕ ಜಾಲತಾಣಗಳಲ್ಲಿ ಸುಳ್ಳು ಸುದ್ದಿ ಹರಡಿಸಿ ಕನ್ನಡ ಚಿತ್ರರಂಗದಲ್ಲಿ ತಲ್ಲಣ ಉಂಟು ಮಾಡಿದ್ದರು.
ಇಂತಹ ಸುಳ್ಳು ಸುದ್ದಿಗೆ ಕೇರ್‍ ಮಾಡ್ಬೇಡಿ. ಎಂದು ಖುದ್ದು ‘ತುಮಕೂರು ವಾರ್ತೆ’ ಜೊತೆಗೆ ದೊಡ್ಡಣ್ಣ ಅವರು ಮಾತನಾಡಿದ್ದಾರೆ. ನಾನು ಅಭಿಮಾನಿಗಳ ದಯೆ ಮತ್ತು ಆಶೀರ್ವಾದದಿಂದ ಆರೋಗ್ಯದಿಂದ ಇದ್ದೇನೆ, ಸಂಸ್ಕಾರವಿಲ್ಲದ ಕುಟುಂಬದಿಂದ ಬಂದವರು ಈ ರೀತಿ ಅಪಪ್ರಚಾರ ಮಾಡಿದ್ದಾರೆ, ಯಾರು ಸಹ ಅಪಪ್ರಚಾರದ ಸುದ್ದಿಗೆ ಕಿವಿ ಕೊಡಬೇಡಿ, ಅವರಿಗೆ ಭಗವಂತ ಒಳ್ಳೆಯ ಬುದ್ದಿ ಕೊಡಲಿ, ಅನಾವಶ್ಯಕವಾಗಿ ಹೊರಗಡೆ ಬರಬೇಡಿ, ಎಲ್ಲರೂ ಕೊರೊನಾ ನಿಯಮ ಕಟ್ಟುನಿಟ್ಟಾಗಿ ಪಾಲಿಸಿ, ಮಾಸ್ಕ್ ಧರಿಸಿ, ಸಾಮಾಜಿಕ ಅಂತರ ಕಾಪಾಡಿ, ಕೊರೊನಾ ಮಹಾಮಾರಿಯನ್ನು ತಡೆಗಟ್ಟಲು ಪ್ರಯತ್ನಿಸೋಣ. ಇತರೆ ರಾಜ್ಯಗಳಿಗೆ ನಮ್ಮ ರಾಜ್ಯ ಮಾದರಿಯಾಗಲಿ ಎಂದು ಮಾತನಾಡಿದ್ದಾರೆ.
ದೊಡ್ಡಣ್ಣ ಅವರು ಇನ್ನಷ್ಟು ಚಿತ್ರಗಳನ್ನು ಮಾಡಲಿ, ನಮ್ಮನ್ನು ನಗಿಸುತ್ತಾ ಇರಲಿ ಎಂಬುದು ಎಲ್ಲರ ಆಶಯವಾಗಿದೆ.