ವಿಷಯುಕ್ತ ನೀರು ಕುಡಿದು 10 ಮೇಕೆ ಸಾವು

ಶಿರಾ: ವಿಷಪೂರಿತ ನೀರು ಕುಡಿದ ಪರಿಣಾಮ ಸುಮಾರು 10 ಮೇಕೆ ಸಾವನ್ನಪ್ಪಿರುವ ಘಟನೆ ಶಿರಾ ತಾಲೂಕು ಗೌಡಗೆರೆ ಹೋಬಳಿಯ ಪುರಲೇಹಳ್ಳಿ ಗ್ರಾಮದಲ್ಲಿ ನಡೆದಿದೆ.
ಪುರಹಳ್ಳಿ ಗ್ರಾಮದ ಗಿರಿಜಮ್ಮ, ಈರನಾಯಕ ಅವರಿಗೆ ಸೇರಿದ ಕುರಿಗಳನ್ನು ಮೇಯಿಸಲು ಜಮೀನಿಗೆ ಕರೆದುಕೊಂಡು ಹೋಗಿದ್ದ ಸಂದರ್ಭದಲ್ಲಿ ಪ್ಲಾಸ್ಟಿಕ್ ಟಬ್ ನಲ್ಲಿ ಇಟ್ಟಿದ್ದ ನೀರನ್ನು ಮೇಕೆಗಳು ಕುಡಿದಿದ್ದು, ತಕ್ಷಣ ಎರಡು ಮೇಕೆಗಳು ಅಲ್ಲಿಯೇ ಸಾವನ್ನಪ್ಪಿದ್ದು, ಉಳಿದ 8 ಮೇಕೆ ಮನೆಗೆ ಬಂದಾಗ ಸಾವನ್ನಪ್ಪಿವೆ ಎಂದು ತಿಳಿಸಿದ್ದಾರೆ, ಈ ಸಂಬಂಧ ಪಶು ಇಲಾಖಾಧಿಕಾರಿಗಳು ಭೇಟಿ ನೀಡಿ ಪರಿಶೀಲನೆ ನಡೆಸಿ ಮುಂದಿನ ಕ್ರಮ ಕೈಗೊಂಡಿದ್ದಾರೆ.