ಮಹಿಳೆ ಮೇಲೆ ಕೋಣ ದಾಳಿ

ಕೊಡಿಗೇನಹಳ್ಳಿ: ಹೊಲದಲ್ಲಿ ಎಮ್ಮೆ ಮೇಯಿಸುತ್ತಿದ್ದ ಮಹಿಳೆ ಮೇಲೆ ಗ್ರಾಮದಲ್ಲಿ ಸಾಕಿದ್ದ ಕೋಣವೊಂದು ದಾಳಿ ಮಾಡಿ ಮಹಿಳೆಯನ್ನು ಗಂಭೀರ ಗಾಯಗೊಳಿಸಿದ ಘಟನೆ ನಡೆದಿದೆ.
ಹೋಬಳಿ ಗುಂಡಗಲ್ಲು ಗ್ರಾಮದಲ್ಲಿ ಕಳೆದ 5 ವರ್ಷಗಳ ಹಿಂದೆ ಬಿಟ್ಟಿದ್ದ ಕೋಣವೊಂದು ಬಲಿಷ್ಠವಾಗಿದ್ದು ಗ್ರಾಮದ ಸಾರ್ವಜನಿಕರಿಗೆ ಪ್ರತಿ ನಿತ್ಯ ಕಿರಿಕಿರಿ ಉಂಟು ಮಾಡುತ್ತಿದೆ. ಸಿದ್ಧಗಂಗಮ್ಮ ಎಂಬ ಮಹಿಳೆ ತನ್ನ ಜಮೀನಿನಲ್ಲಿ ಎಮ್ಮೆ ಮೇಯಿಸುತ್ತಿದ್ದಾಗ ಮಾರಣಾಂತಿಕ ದಾಳಿ ಮಾಡಿ ಗಂಭೀರ ಗಾಯಗೊಳಿಸಿದೆ ಎಂದು ಗ್ರಾಮಸ್ಥರು ಆರೋಪಿಸಿದ್ದಾರೆ.
ಇನ್ನು ಮುಂದಾದರು ಗ್ರಾಮದಲ್ಲಿ ಕೋಣದ ದಾಳಿಯಿಂದ ರಕ್ಷಣೆ ಮಾಡಬೇಕೆಂದು ಇಲ್ಲಿ ಸಾರ್ವಜನಿಕರು ಒತ್ತಾಯಿಸಿದ್ದು, ಕೂಡಲೇ ಸದರಿ ಕೋಣವನ್ನು ಸ್ಥಳಾಂತರ ಮಾಡುವಂತೆ ಗ್ರಾಮಸ್ಥರಾದ ಸತ್ಯನಾರಯಣ, ನರಸಿಂಹಮೂರ್ತಿ, ನರೇಂದ್ರ, ಸುಮಿತ್ರ, ಮಧುಮತಿ, ರಾಜೇಖರ್‌ ರೆಡ್ಡಿ, ನರಸಿಂಹಯ್ಯ ಒತ್ತಾಯಿಸಿದ್ದಾರೆ.