ಆಕಸ್ಮಿಕ ಬೆಂಕಿಗೆ ಹೊತ್ತಿ ಉರಿದ ಮನೆ- ಸುಟ್ಟು ಕರಕಲಾದ ವೃದ್ಧ

ತುಮಕೂರು: ಬುಧವಾರ ಬೆಳಗಿನ ಜಾವ ಮನೆಗೆ ಬೆಂಕಿ ಬಿದ್ದು ವೃದ್ಧನೊಬ್ಬ ಸುಟ್ಟು ಕರಕಲಾಗಿರುವ ಘಟನೆ ತುಮಕೂರು ತಾಲೂಕು ಬೆಳ್ಳಾವಿ ಪೋಲಿಸ್‌ ಠಾಣೆ ವ್ಯಾಪ್ತಿಯ ಅಸ್ತಿಪುರ ಗ್ರಾಮದಲ್ಲಿ ಘಟನೆ ನಡೆದಿದೆ.
ಈ ಗ್ರಾಮದ ವಾಸಿ ದೊಡ್ಡಬಸವಯ್ಯ (70) ಮೃತ ದುರ್ದೈವಿ, ಬೆಳಗಿನ ಜಾವ 4.30 ರಲ್ಲಿ ನಡೆದ ಘಟನೆ ನಡೆದಿದೆ. ಮನೆಯಲ್ಲಿ ಗಂಡ, ಹೆಂಡತಿ ವಾಸವಿದ್ದರು, ಹೆಂಡತಿ ಸೋಮವಾರ ಸಂಬಂಧಿಕರ ಊರಾದ ಸೋಮಲಾಪುರಕ್ಕೆ ಹೋಗಿದ್ದರು, ಮನೆಯಲ್ಲಿ ದೊಡ್ಡ ಬಸವಯ್ಯ ಮಾತ್ರ ಇದ್ದರು, ಈ ಸಂದರ್ಭದಲ್ಲಿ ವಿದ್ಯುತ್‌ ಇಲ್ಲದ ಕಾರಣ ದೀಪ ಹಚ್ಚಿಡಲಾಗಿತ್ತು, ಅದೇಗೋ ಮನೆಗೆ ಬೆಂಕಿ ಆವರಿಸಿ ವೃದ್ಧ ಸಾವನ್ನಪ್ಪಿದ್ದಾರೆ.
ಬೆಳ್ಳಾವಿ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು ಸಬ್‌ ಇನ್ಸ್ಪೆಕ್ಟರ್‌ ಹನುಮಂತರಾಯಪ್ಪ ತನಿಖೆ ಕೈಗೊಂಡಿದ್ದಾರೆ. ಸ್ಥಳಕ್ಕೆ ವೃತ್ತ ನಿರೀಕ್ಷಕ ರಾಮಕೃಷ್ಣ ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ.