ಜಿಲ್ಲಾ ಸಚಿವರ ಕಾಳಜಿ ದುರಂತದಿಂದ ಪಾರಾದ ತುಂಬು ಗರ್ಭಿಣಿ!

ಶಿರಾ: ಜಿಲ್ಲಾ ಉಸ್ತುವಾರಿ ಸಚಿವ ಜೆ.ಸಿ ಮಾಧುಸ್ವಾಮಿ ಕಾಳಜಿಯಿಂದ ತುಂಬು ಗರ್ಭಿಣಿಯೊಬ್ಬರಿಗೆ ಸುಸೂತ್ರವಾಗಿ ಹೆರಿಗೆ ನಡೆದಿರುವ ಘಟನೆ ತಾಲ್ಲೂಕಿನ ಬುಕ್ಕಾಪಟ್ಟಣ ಹೋಬಳಿ ಮೇಣಿಗನಹಟ್ಟಿಯಲ್ಲಿ ಶನಿವಾರ ಜರುಗಿದೆ.
ಮೇಣಿಗನಹಟ್ಟಿಯ ಬಾಲಕೃಷ್ಣಪ್ಪನವರ ಮಗಳು ಸುಮಿತ್ರ ಎಂಬಾಕೆ ಹೆರಿಗೆ ನೋವಿನಿಂದ ಪರಿತಪಿಸಿ ಮೂರು ದಿನಗಳ ಹಿಂದೆ ಬುಕ್ಕಾಪಟ್ಟಣ ಪ್ರಾಥಮಿಕ ಸರ್ಕಾರಿ ಆಸ್ಪತ್ರೆ ವೈದ್ಯರ ಬಳಿಗೆ ಧಾವಿಸಿದ್ದರು. ಅಲ್ಲಿನ ವೈದ್ಯರು ಶಿರಾ ಆಸ್ಪತ್ರೆಗೆ ದಾಖಲಾಗುವಂತೆ ಸೂಚಿಸಿದರು ಎನ್ನಲಾಗಿದೆ. ಕೊರೋನಾ ಭಯದಲ್ಲಿ ದೇಶವೇ ಲಾಕ್‌ಡೌನ್ ಆಗಿರುವಾಗ, ಇದೇ ತಿಂಗಳ ಮೂರನೇ ತಾರೀಕು ವಾಹನಗಳ ಅಲಭ್ಯತೆ ನಡುವೆಯೂ ಹೇಗೋ ಶಿರಾ ಆಸ್ಪತ್ರೆಗೆ ಬಂದಿದ್ದ ಸುಮಿತ್ರಾಗೆ ಬೆಡ್ ಇಲ್ಲವೆಂಬ ಕಾರಣದಿಂದ ಊರಿಗೆ ವಾಪಸ್ ಕಳುಹಿಸಲಾಗಿತ್ತು.